Anwar Ibrahim endang tebilang enggau ulah iya ti rindu bejai orang baka ti nyadi ti Semenanjung. Ngambika orang deka mending ke jaku iya, Anwar sanggup peneka ati besebutka utai ti apin dituku ke pengamat. Laban tuju Anwar tu sigi dikena nyarutka penemu rayat enggau ngapi rayat awakka ringat rayat ngagai perintah.
Di Semenanjung, mensia mayuh udah nemu baga Anwar, lalu enda ibuhka ulah iya ti suah bula bakanya. Tang di Sarawak ditu, mensia mayuh nyangka apin nemu ulah Anwar tu. Ulah Anwar ti peneka ati nyangka sereta bejai orang udah bisi dibai iya ke Batang Ai. Iya ti pemadu baru iya nya jaku Anwar Ibrahim ti ngumbai orang ti Batang Ai bisi udah diasuh nyerahka salin kad pengelala sida enggau lumur akaun sida ngagai Jabatang Tanah dan Survei di Sri Aman ketegal ti bisi kebuah.
Tang utai ti bendar, Jabatang Tanah dan Survei di Sri Aman semina bisi ngasuh tuai rumah meri salin kad pengelala genap iku orang rumah panjai nya ngambika bisi dikena opis nya ngemas sereta ngaduka rikot ke guna pengawa Skim Penempatan Semula Batang Ai, Lubok Antu. Isi surat ari Jabatan Tanah dan Survei ti betulis 13 Mac 2009 ngagai Tuai Rumah Nanga Ukom, Lubok Antu nadai nyebut senentang ti minta lumur akaun sida.
Nyadi bakanya ku gaya ulah raban parti penyakal ti rindu besadungka berita bula enggau penemu ti salah ke guna penemu politik sida. Bejaku bula enggau melitka jaku orang nya endang siti ari chara ti dikena raban penyakal nyarutka penemu mensia mayuh. Mensia mayuh, lebih agi bala pengundi di Batang Ai dilalau enda diasuh arapka sebarang berita ti enda temu tuku lalu diasuh ngambi penerang ti bendar ari opis ti patut.
Subscribe to:
Post Comments (Atom)
No comments:
Post a Comment