“Semina tinggal semaya aja” pia ku, Chairman JKKK, Tuai Rumah Aja ak. Jemut lebuh bala raban orang ti udah nyukung Jawah Gerang dulu suba, ke datai ari lima buah rumah panjai, bejaku enggau pengarang berita ba Palan Barisan Nasional lemai tu tadi.
“Maya Jawah Gerang nyadi wakil rayat kami, iya kala madah ngagai bala orang di Rumah Aja iya bisi udah ngemendarka agih belanja RM16,000 ke projek rumah panjai kami lebuh ti bejaku ba Kompleks Sukan Lubok Antu maya iya bejadi JKKK Kampung Iban dalam taun 1999.
“Tang nyentuk ke diatu rumah panjai kami nadai kala udah nerima agih belanja ti disebut iya nya,” ku TR Aja.
TR Aja madahka iya enggai enda nyebut utai ti bendar laban enggai ke rumah panjai iya dikumbai orang udah nerima belanja nya laban iya ti bendar belanja nya nadai udah diberi ngagai sida.
Iya mega madahka surat kedua bekaul enggau pekara agih belanja ke projek nya ti betulis 2 Februari 2007 mega udah dianjung ngagai Jawah.
Orang bukai ti sama bisi mending ke jaku iya ngagai pengarang berita nya nyengkum ADUN Bukit Begunan, Mong Dagang, Walikota Kapit, Philimon Nuing enggau Sekretari Politik Kepala Menteri, Wilson Ugak Kumbong.
Subscribe to:
Post Comments (Atom)
No comments:
Post a Comment