Dato Sri Dr James Jemut Masing madahka Jawah Gerang nya orang ti nadai meruan batang ati. Ku James Masing, dulu suba Jawah balat bendar ngemesaika bantu enggau tulung Barisan Nasional (BN) senentang ti mai pemansang ke penguntung rayat lalu iya mega siku orang ti taluk ke BN.
Dulu suba Jawah mega balat bendar muji Kepala Menteri Sarawak ke polisi pemansang ti dibai BN sereta ngaku Sapit Kepala Menteri nya siku tuai bansa Dayak ti udah mai ubah pemansang ngagai rayat mayuh.
Tang lebuh Jawah udah masuk nyadi raban penyakal semua jaku iya udah bekalih magang. Lain utai disebut lain utai dikereja iya. Ulah Jawah ti disema ke “baka lalang dipuputka ribut” nya, udah ngayanka iya nya siku orang ti enda meruan ati, nadai batang ati lalu suah bekalih jaku.
Tuai ti bakatu patut diseliahka rayat. Iya ti bendar Jawah enda patut nyadi tuai sida. Jaku iya ti batak-asur bakatu tau ngemedis laban enda ulih dikena ngulihka pemansang ke rayat enggau menua lalu enggai nyadi dikena bejalaika tanggung pengawa nyadi tuai ba kandang menua nya.
Beduduk ari nya, bala pengundi di Batang Ai patut nemu ni naka utai ti ulih dikereja Jawah. Sida patut pintar mutuska runding sida lalu nyukung Malcolm Mussen, iya nya pengari ti ulih nulung sereta bisi jalai nulung rayat.
Subscribe to:
Post Comments (Atom)
No comments:
Post a Comment